عقیدت توڑ آٸ ہوں

عقیدت   توڑ   آئی    ہوں  ، عبادت    چھوڑ    آئی    ہوں
محبت    میں    وفاؤں   کی   روایت   چھوڑ   آئی   ہوں

کسی نے  خواب کے بدلے  میں حرمت مانگ لی مجھ سے
میں  زندہ  آنکھ  میں  مرتی  وہ حسرت  چھوڑ آئی ہوں

یہ ایسے زخم تھے مجھکو جواپنی جاں سے پیارے تھے
سدا  رستے  رہیں ،  بھرنے  کی   نیت   چھوڑ   آئی  ہوں

خودی  کو  بیچ  دیتی  تو  مسرت  مل بھی سکتی تھی
اٹھا  کے  درد  کی  گھٹری  ، میں  راحت  چھوڑ آئی ہوں

لگی  تھی  آگ  جب  دل  میں  تو  دامن  کو  بچاتى  کیا
بہت  انمول  رشتوں  کی  بھی   قربت  چھوڑ  آئی   ہوں

کبھی ایسابھی تھااس شخص کی مجھکو ضرورت تھی
مگر   رو  رو   منانے   کی   وہ  عادت   چھوڑ   آئی   ہوں