کس قدر جلد بدل جاتے ہیں انساں جاناں

ہم نے دیکھے ہیں سبھی عہد کے انساں جاناں
کوئی  بھی  شخص  نہیں  قابلِ پیماں  جاناں

تُو  نہیں  ہے  تو  بھلا  شہر  کی  رونق کیا ہے؟
صورت ِ  دشت   ہوا  دل  کا   گلستاں   جاناں

دے  کے  دل کیسے  کریں  دل کی نمائش آخر؟
شہر  اس  دل  کا   اگرچہ  ہوا  ویراں   جاناں

ہاتھ   میں  ہاتھ  دیا  ہے  تو  نبھائیں  گے سدا
مہرباں  زیست  کا  ہو جائے  جو  امکاں جاناں

اس  قدر  اپنوں  سے  بیگانگی کب تک اے فلک
ہم  تمہارے  ہیں۔۔! نہ  ہو  ایسے  گریزاں  جاناں